MŌ TE ĀWHINA ME TE MANAAKI (#10187)

E Koe, Nōu te kanohi te whāinga o tōku kōingo, Nōu te ātaahua, tōku piringa, Nōu te kāinga, tōku whāinga, Nōu te korōria, tōku tūmanako, Nōu anō te manaakitanga, tōku hoa piritata, Nōu hoki te aroha tōku pūtaketanga, Nōu anō te kōrero, tōku oranga ngākau, Nōu rā te tatanga mai, tōku Tōmina, Nōu te pātata, tōku tino pīrangi, tōku taumata tiketike, tēnei ahau te inoi nei ki a Koe kia kaua ēnei tūāhua e tātāwhia atu i ahau Nāu i tuku ki ngā kōwhiringa o waenga i Āu pononga. Ā tēna, hōmai koa ki ahau ko te painga o tēnei ao me tērā e whai muri mai.
Ko Koe, tūturu, te Kīngi o ngā tāngata katoa. Kāhore he Atua i tua atu i a Koe, e te PoumurungaHara i ngā Wā Katoa, te Tino Marere.

-Bahá'u'lláh
-----------------------

MŌ TE ĀWHINA ME TE MANAAKI (#10188)

E Tōku Atua, tōku Pūaroha, tōku Kīngi, tōku Tōmina! Mā tēwhea arero e kawe āku whakamoemiti ki a Koe? Kīhai ahau i whakarongo, Nāu ahau i whakaara. I tahuri atu ahau i a Koe, Nā Tāu tohu atawhai ahau i tino āwhina ai ki te tahuri ki a Koe. Anō nei ahau he mea tūpāpaku kau. Nāu ahau i whakaora ki te waiora. Anō nei ahau he mea memenge kau. Nāu ahau i whakaora ki te awa tapu o Tāu kupu, he mea tere mai i te Pene o te Whai Tohu Atawhai -Katoa. e Te Atua Manaaki! Nā Tō whairawa te mauri o te katoa i waihanga; kia kaua ia e aukatia i ngā wai o Tōu tohu atawhai, kia kaua hoki e tātāwhia mai i te moananui o Tōu atawhai. Kei te inoi ahau ki a Koe, Māu ahau e āwhina, e manaaki i ngā wā katoa, i raro i ngā āhuatanga katoa, ki te rapu mai i te rangi o Tō atawhai, Tōu manako onamata. Ko Koe, tūturu, te Ariki o te whairawa, te Kīngi o te kīngitanga mutungakore.

-Bahá'u'lláh
-----------------------

MŌ TE ĀWHINA ME TE MANAAKI (#10189)

Kī atu: Ko Te Atua ko Ia te whakatutukinga o ngā mea katoa o runga o ngā mea katoa, kāhore hoki tētahi mea o ngā rangi o te whenua e ea i tētahi o tua atu i Te Atua. Tūturu, ko Ia ki a Ia tonu, te Poumātau, te Pouwhakaora, te Kaha Rawa.

-The Báb
-----------------------

